कहें हम कौन तरियां ते

कहें हम कौन तरियां ते समझ में कैसें आवैगी,
कमी-बेसी कछू भी हो,तौ जे दुनियां सिखावैगी?

न हमने काऊ पै अंगुरी उठाई है अबई तक तौ
बिना संबाई के दुनियां,कहा अंगुरी उठावैगी ?

हमारौ जी तौ दुनियां ते,हमेसा ही अलग सौ हो,
तौ फिर जे कौन सी दम पै हमें रस्ता बतावैगी ?

तुम्हें जब गैल चलनी हो तौ अपने रंग में चलियों,
अगर दुनियां की मानौगे तौ जे दुनियां नाचावैगी ,

है जब तक सांस तब तक कौ ही खेला ऐ सुनौ भैया,
कहूँ जो सांस रुक गई तौ न आवैगी न जावैगी....
उर्मिला माधव...
3.6.2016..