जा दिन ते सखि श्याम गए, नहीं कोऊ रह्यौ ब्रज कौ रखवारौ,
कानन, बीथिन, बागन की नहीं कोऊ रह्यौ रज कौ रखवारौ,
भारत देश तमासौ भयौ अनुराग नहीं, बस रार बची,
सब लोग लड़ें अब कुर्सिन कूँ, नहीं कोऊ रह्यौ ध्वज कौ रखवारौ..
उर्मिला माधव,
ब्रिज ग़ज़ल जिंदगी कट रही है मुस्किल ते, भागि जामेंगे, तेरी महफिल ते, सांस लैनौ भी एक जुआ सौ है, कैसें जीतेंगे काऊ आदिल ते, कितनी तक़लीफ़ है करेजा में, पूछ कें देखियों तौ बिस्मिल ते, नाव काग़ज़ की देह आफ़त सी, कितनी गहराई पूछें साहिल ते, हम कूं दूरी बताऔ मंजिल की, दूनी हिम्मत करिंगे हम दिल ते, उर्मिला माधव 28.3.2018
Comments
Post a Comment