ऐसे ऐसे दिना मत दिखावै प्रभू

ब्रज की दुनियां

ऐसे-ऐसे दिना मत दिखावै प्रभू,

चों तू मूरख समझ कें डरावै प्रभू,

मोकूं भारी परै जि धरम संकला,

खोटी दुनियां निरन्तर सतावै प्रभू,

पापी दुष्टात्मा नर्क गामी अधम,

ऐसौ-ऐसौ डरप कें दिखावै प्रभू,

रात दिन कोस रस्ता के गिनतौ रहै,

द्वार तक तेरे चलकें न आवै प्रभू

कोऊ बिपदा परै तो मेरी जीभ पै,

कृश्न मोहन मुरारी ही आवै प्रभू,

मैंने हर गैल इकली चली रामजी,

ना तौ पूछी न कोऊ बतावै प्रभू,

तैनें कितनी लई हैं परीक्षा मेरी,

मोपै नैकउ बनावट न आवै प्रभू,

सिर्फ़ कोशिश जि है, राह चलती रहूं,

चाहै कुछ भी न आवै न जावै प्रभू,

उर्मिला माधव