न घर ही हमारो

न घर ही हमारौ न दुनियां हमारी,

पतौ जे चलौ कै हमईं ए भिकारी,

इमारत तौ अब लौं धरी जों की तों ऐं,

कै सांसई अचानक चली गई बिचारी,

हबाके भरे जिन्ने दुनियां में ऊंचे,

बेऊ मर कैं कित्ते भये भारी-भारी,

जि निश्चित है सब कूँ ई मरनौ पडैगौ,

कभू जाकी बारी,कभू बाकी बारी,

जो कहनी ई हमकूं,सो कह दीनी हमनै

तौ मानौ न मानौ है राजी तुम्हारी,

सबै छोड़ जानौ है दुनियां कौ मेला,

डरी यईं रहेंगी महलिया अटारी...

उर्मिला माधव....

11.5.2016...