ब्रज गज़लें

ब्रज की दुनियां❤️❤️ अति में ऑ ईश्वर में बैर सुनिश्चित है, काई पै फ़िसलंगे पैर सुनिश्चित है, साँच कभू मत कहियो, दुनियां कूटैगी, पत्थर की मूरत कूं दैर सुनिश्चित है.. गर्व कियौ रावण नें, लंका मैट दई, करनी तौ भुगतैगौ खैर सुनिश्चित है, धरी पाप की मूड़ गठरिया,होस में आ नरक कुंड की वरना ,सैर सुनिश्चित है, उर्मिला माधव,

ब्रज की दुनियां बतामें कौन कूं आखिर, कै हम पै का गुजर रई ऐ, बड़ी भारी विपत आई न कैसेउँ अब सम्हर रई ऐ.. विवश बैठे ऐं अपने हाथ धरकें दोऊ घोंटुन पै, कबऊ तौ गैल निकरैगी,अबई तौ सब बिगर रई ऐ। डरप रौ ऐ जि तेरौ मांस तेरी अपनी दुनियां में, कहाँ ते हौसला लामें, कै जब नस नस बिखर रई ऐ। तपन सूरज की भारी ऐ, हमारे मूड़ पै साँईं, जे ऐसी भंक व्यापी ऐ कि सब दुनियां पजर रई ऐ। उर्मिला माधव

कै मन में हूक उठ रई ऐ हवा में सोर की नाईं, मगर चुपचाप बैठे हैं,सभा में चोर की नाईं,

जमानों कितनों बिगरि गयौ ऐ, कै ख़ुद कूँ कितनों सम्हारै कोई, अजब-अजब से हैं माँस जग में,करेजा कितनों पजारै कोई, जिन्हें पजरिबे कौ शौक है बे,बिना ही मतलब पजर रये हैं, लिखौ ऐ जिनके करम में जरिबौ तौ बिन कूँ कितनों बिडारै कोई, जे जिंदगानी है जामें भैया,हजार घटना लिखी भई ऐं, कै धीर धरनों परैगौ आखिर, तौ बोलौ कितनों,चिंघारै कोई? तुम अपने ग़म कूँ,जमाने भर में,अनहोंतौ जैसौ समझ रये हौ, सबई कौ खेला है एक जैसौ,तौ बोलौ कितनों पुकारै कोई, है कल्ल ही की सी बात हमनें कही कें इतनों न रोऔ भइया, समझनों ही जब कोई न चाहै ,तौ कैसें, कितनों सुधारै कोई, उर्मिला माधव, 2.6.2017